رز بخاري على كيف كيفك

السلام عليكم ورحمة الله وبركاته



هالطريقه نسختها مثل ماهي مثل ماكتبتها الاخت

وطبقتها مرتين بصراحه كنه رز بخاري من المطعم

والسر=تطويل فترة البصل مع اللحم مع التحريك+ قلة البهارات كمون+فلفل بس+ الزيت المستخدم زيت زيتون

واتركم مع موضوع الاخت ام ليان من عالم حواء الله يجزاها خير لان اخوي يموت عليه وانخبل يوم سويته يحسبه من المطعم جنان يابنات لايفوتكم وادعووووووووووووولي

.................................................. ...........

تختلف طرق اعداد الرز البخاري من بيت لبيت لكن تعالو نشوف الرز البخاري الاصلي الي يسووه البخارية

المقادير:

كيلو لحم او دجاج
بصلتين متوسطة الحجم مفرومة
فصين ثوم مهروس
تقريبا ربع كاسة زيت
جزرتين وحدة مبشورة ووحدة مقطعة ارفاع على شكل طولي
البهارت فقط ( ملح + فلفل اسود + كمون حب) وهنا السر البهارات قليلة وخفيفة
عصير طماطمتين كبيرة وتصفى بعد العصر من القشر والبذور
مقدار نصف ملعقة صلصلة طماطم ويمكن الاستغناء عنها_((حلاوة البخاري لما يكون لونو برتقالي مو احمر))
رز بسمتي طويل الحبة مقدار كاسة ونصف منقوع في الماء تقريبا 15 دقيقة


الطريقة؟:

اول شئ نسخن الزيت وانا هنا استخدم عادة زيت الزيتون واضع عليه البصل والجزرة المبشورة الى ان يذبل ثم نضع الثوم ثم اللحم او الدجاج على نار عالية نشوح اللحمة تقريبا ثلث ساعة نقلب القدر ونتركه ونرجع نقلب ونتركه الين ما تشوفي مناطق معينة في اللحمة صار لونها بني محمر

بعد كدا نحط عصير الطماطم ونقلبو على نار متوسطة الين ما تتسبك اللحمة والي يبغى الرز يكون احمر يحط الصلصة ثم البهارت على حسب الرغبة

واخر شئ نحط موية فايرة على اللحمة الين ما الموية تغطي اللحمة ونتركها تغلي الين ما تستوي اللحمة وكل ما تنقص الموية نزيد مويةحارة

نحط مقدار الرز مع الجزرة المقطعة رفاع واهم شئ تكون الموية مرتفعة على الرز مقدار تقريبا 2 سم وترفع النار الى ان تظهر الثقوب نضع التنكة وعلى نار هادئة تقريبا نص ساعة الى انا يستوي

وبالهناء والعافية